Un jour, y'avait un janne garçon assis sus eune muthâle au carrefour dans ieune des Pâraîsses d'amont. Eune vaituthe mèrtchie auve eune pliaque “H” s'appréchit du carrefour et s'arrêtit d'vant not' pétit Jèrriais.
“Bouônjour, man garçon,” dit l'cacheux (un Angliais à chein tch'i' pathaîssait), “chennechîn, ch'est-i' l'bouôn c'mîn pouor la Grève dé Lé?”
“Jé n'sai pon,” rêponnit l'mousse.
“Bein,” s'fit l'moussieu dans la vaituthe, “si j'prends chutte route-là, j'm'en vais-t-i' arriver à Ste Mathie?”
“Jé n'sai pon,” rêponnit l'mousse.
“Dans chu cas,” èrêprouvit l'cacheux, “tchi c'mîn tch'i' faut prendre pouor arriver à la côte?”
“Jé n'sai pon,” rêponnit l'mousse acouo eune fais.
“Ma fé!” excliâmit l'moussieu. “Tu n'sai pon grand'chose!”
Lé janne affronté dit, “Ch'est cèrtainement pôssibl'ye, Moussieu, mais viy'-ous qué ch'n'est pon mé, l'chein tch'est êdgéthé!”
Viyiz étout: