Les Pages Jèrriaises

Actes

Chapitre 2, vèrsets 36-42

Né v'là pouortchi: qu'tout l'Israël sait convaintchu qu'chu Jésû qu'ou crucifyîtes a té fait Seigneu et l'Christ par l'Bouôn Dgieu."

Assa quand i' ouîdrent ches patholes, i' fûdrent gênés et i' dîdrent à Pièrre et ès aut's Apôtres, "Nos chièrs fréthes, tch'est qu'i' nos faut faithe?"

Et Pièrre lus dit, "Qu'vos tchoeurs saient changis, à châtchun d'vous, et séyiz bâptîsis au nom d'Jésû Christ pouor l'pardon d'vos péchés et ou r'chèrv'thez l'saint Esprit. Car la Pathole dé Dgieu et pouor vous et pouor vos mousses et pouor touos les cheins d'bein au liain, les cheins tch'ont 'té chouaîsis par l'Seigneu not' Bouôn Dgieu." Et auve acouo d'itelles patholes i' têmouongnit et lus offrit l'salut et dit, "Tchittez chutte racachie d'reintchivâles!"

Épis les cheins tchi l'êcoutaient fûdrent bâptîsis, et dans les trais mille pèrsonnes lus y r'jouaîngnîdrent auve ieux chu jour-là. Et i' siévaient l'ensîngnage d's Apôtres et 'taient rassembliés pouor chârer du pain et d'la priéthe.
 

Viyiz étout:

 

Les Pages Jèrriaises