Quand il arrivit à Jérusalem, il êprouvit d'èrjoindre les discipl'yes, mais touos avaient peux d'li, n'pouvant pon craithe tch'i' 'tait coumme ieux.

Ch'est en tchi Bèrnabé l'prînt acanté li et l'condîsit ès apôtres, et i' lus racontit coumme tchi qu'sus lé c'mîn Paul avait veu l'Seigneu tch'avait pâlé à li, et coumme tchi qu'à Damas il avait tout dêliêment préchi au nom d'Jésû.

Êv'chîn i' s'n allait et r'vénait acanté ieux à Jérusalem, préchant tout dêliêment au nom du Seigneu. I' pâlait étout ès êtrangièrs et distchutait auve ieux, mais i' voulaient l'tuer.

Quand les fréthes l'apprîntent, i' l'condîsîtent à Césarée et l'emm'nîtent à Tarse.

Ch'est en tchi dans toute la Judée, la Galilée et la Samathie l'Églyise avait la paix.

Dans la crainte du Seigneu, ou bâtissait et avanchait, ou 'tait remplyie du r'confort du Saint Esprit.