Les Pages Jèrriaises

L's Actes des Apôtres


chapitre neuf, vèrsets vîngt-six à trente

Auprès sa convèrsion, Paul vînt à Jérusalem. I' voulait entrer dans l'assembliée des discipl'yes, mais tous avaient peux d'li, car i' n'pouvaient pas craithe qué li étout était un discipl'ye du Christ.

Alors Bernabé lé prînt auve li et l'présentit ès Apôtres; i' lus racontit chein tchi s'était pâssé: sus c'mîn, Paul avait veu l'Seigneur, tchi li'avait pâlé; à Damas, il avait prêchi auve asseûthance au nom d'Jésû.

Dépis chu temps-là, Paul allait et v'nait dans Jérusalem auve les Apôtres prêchant auve asseûthance au nom du Seigneur.

I' d'visait ès Juis dé langue Grecque, et distchutait auve ieux, mais ches'-chîn chèrchaient à l'embêter.

Les fréthes en ouîtent pâler; ch'est en tchi i' lî gardîtent compangnie jusqu'à Césarée, et l'fîtent s'en aller pouor La Tarse.

L'Eglyise était en paix dans toute La Judée, La Galilée et La Samarie. Dans la crainte du Seigneur, ou craîssait et oulle avanchait, ou s'multipliait auve l'assistance dé l'Esprit Saint.

 

Viyiz étout:

 

Les Pages Jèrriaises