À Joppé y'avait eune discipl'ye app'lée Tabitha, v'là tchi veurt dithe Gazelle; chutte femme pâssait tout san temps en beinfaits et charité.
I' s'adonnit qu'ou tchit malade à chu temps-là et mouothit: et quand nou l'avait lavé, nou l'êtrav'lit dans eune chambre à haut.
Viyant qu'Lydda 'tait près d'Joppé, les discipl'yes, tchi savaient qu'Pièrre 'tait là, env'yîtent deux hoummes lé qu'si à seule fîn d'lî d'mander dé v'nîn tout drait.
Pièrre vînt acanté ieux, et quand il arrivit, nou l'condit dans la chambre. Toutes les dêdgèrpies 'taient là à plieuther et à lî mouontrer les casâques et l's habits qu'Gazelle avait fait tandi qu'ou 'tait siez ieux.
Mais Pièrre les fit aller hors, et s'agenouoillit pouor prier; i' s'adréchit au corps et lyi dit, "Tabitha, lève-té!" Et oulle ouvrit ses ièrs, vit Pièrre et sé l'vit.
I' prînt sa main et li'aîdgit à sé d'buter. Il app'lit les saints et les dêdgèrpies et lus présenta la vivante.
La nouvelle fut annonchie par touos les bords à Joppé, et y'en a tch'eûtent la fouai dans l'Seigneu.
Et i' d'meuthait tchique temps à Joppé siez un tangneux tch'avait nom Simon.
Viyiz étout: