I' s'adonnit dans chu temps-là qué César Audguste publiyit un êdit qué tout l'monde dévthaient être taxés.

Et chutte taxe-là fut l'vée pouor la preunmié fais quand Quirinus 'tait Gouvèrneux d'la Syrie.

Ch'est en tchi, tout l'monde s'en fûdrent, châtchun dans sa ville, pouor la taxâtion.

Et Joseph s'en fut dé Nazareth, en Galilée, jusqu'en Judée dans la p'tite ville dé Bethléem, qu'était la ville dé Dâvi (pa'ce qu'i 'tait d'la même fanmil'ye et d'la même lîngne comme Dâvi), pouor êt' taxé auve Marie, sa femme, qu'attendait un êfant.

Et ch'fut d'même, qué tandi tch'il' 'taient à Bethléem, ou vînt prête à accouochi.

Et oulle eut san preunmié êfant – un p'tit garçon – et oulle l'frettit, et l'mînt dans un bèr, pa'ce tch'i' n'y'avait pon d'run pouor ieux dans l'aubèrge