Mais i' lus racontit chutte pathabole, "Tchi qu'est l'chein d'entré vous tchi, s'il avait chent brébis, en pèrdant ieune né laîss'sait pon les nénante-neu au d'sèrt et n'îthait pon souotre la cheinne à banon jusqu'à ch'qu'il étha r'trouvé? Et un co qu'i' l'étha r'trouvé, n'l'êpaûl'lait pon jouaiyeusement? Épis un co r'vénu siez li, n'appel'lait pon ses anmîns et ses vaîthîns et n'lus dîthait pon, 'Rêjouiss'-ous auve mé; ch'est en tchi j'ai r'trouvé ma brébis tchi 'tait à banon!'? J'vos l'dis, qu'i' y'étha d'même d'la jouaie ès cieux pouor un seul pécheur v'nant à s'amender, pus qu'pouor nénante-neu justes tchi n'ont pon à lus r'penti."