|
Si, par la leune, j'têmes trop souvent hâvis, entré ches rouoges paîssons d'mînniet touos teus, cad'linnés d'un co souos des d'gouts d'bouaîs'sies, rivés d'acyi, parfénés d'sinne dé jeu, d'lait d'tchilieuvre, dé snichon ensolilyis d'amour - d's ênormes fliottes flieuthies crouaîsent les mers; dans la néthe vallée d'tes tchiêsses lithent des lis; des tchênes lus enréchinnent dans nos baîsièrs. 'Tais-tu janne, tav'lée, au pétra d'poummyi! Au r'tou d'chutte preunmié pêque qué j'en dêhoule, sans té, l'goût des vèrtes poummes n'est d'aut' vèrdi: j'tais bein aise dé t'scôr'ter à Livèrpool. Pis, au ras d'mé, j'èrgardis m'n ouothilyi: né v'là la leune tchi d'ganne l'emmouothachie. |
Viyiz étout: