|
Des mastchis d'gouttent d'eune avanteu; les clius d'gris sont à voltilyi; des fielles enfliambées, néthes dé deu, tchaient souôtre les nouages à l'alanchie. Le ribans d'chai chabolent et châquent les mielles dé chendres ès ombres barbues; les pieaux des rêves les gaffent et mâquent; lé sablion chuche chutte viande vendue. La grise grève lique lé sablion mo; sa langue teurtchie moulinne dans l'gris; des gobîns fliottent, halés ès cros, pendus ès pensées d'Yves Tanguy. Geraint Jennings Tchîmpèr, Août 2007 |
Viyiz étout: