Par eune séthée d'Burns

Par eune séthée d'Burns:
un sicot d'fronmy,
en soupant siez l'dgiâbl'ye,
b'vant auve eune monmie.

Eune chorchiéthe trînque
à not' amendement:
la santé d'enfé
à toutes nos bouonnes gens.

Lé Nique prêche du Scots:
Lév'-ous don les vèrres
pouor eune bordée d'scaïte
ès cheins des Hautes Tèrres!

Lé fronmy nos caûffe
mus qu'autcheune fliambée;
eune nobl'ye brûl'lie d'Burns
ès patholes bein b'sées.