Chanson Jèrriaise

Imité de Burns
Poëte Ecossais

De l'est à l'ouest souffle la brise:
La naï tchaït, i s'en va g'lai,
Car ou reste sus la terre:
Je sis seux que ch'est l'hivé.

Les p'tits ouaisiaux dans les épines
Nont pas rein du matyn au sei;
Les niits à-ch't-heure sont si longues,
Je sis seux que ch'est l'hivé.

AALG

(Up in the Morning Early par Robert Burns)

Vèrsion modèrnîsée:

Jé n'sis dgéthe heûthi, mé!

Dé l'Êst au Vouêt soûffl'ye la brise:
La né tchait, i' s'en va g'ler,
Car ou reste sus la tèrre:
J'sis seux qué ch'est l'Hivé.

Jé n'sis dgéthe heûthi, ah, pon mé
Jé n'sis dgéthe heûthi, mé!
Quand touos les monts sont couèrts dé né,
J'sis seux qué ch'est l'Hivé.

Les p'tits ouaîsieaux dans les êpîngnes
N'ont pon rein du matîn au sé;
Les nyits achteu sont si longues,
J'sis seux qué ch'est l'Hivé.

Jé n'sis dgéthe heûthi, ah, pon mé
Jé n'sis dgéthe heûthi, mé!
Quand touos les monts sont couèrts dé né,
J'sis seux qué ch'est l'Hivé.