|
Porte-mé raîque à la f'nêt' épis couoche-mé douochement, ma fil'ye. J'voudrais r'vaie l'bieau solé tchi lit sus les clios et la ville. J'm'en vais laîssi tout à san seu et viagi un vièr but; la Mort m'appelle coumme un moussieu, et j'n'y sis pon têtue. Ch'est d'm'endormi à l'èrvèrdie, j'ai ag'vé touos mes d'vièrs, mes dés lâssés, l'travas finni, j'éthai à r'couôtre mes ièrs; janmais d'aut' jé n's'sai êtchoeuthée, dêmînse, ni plieine d'dêdain; jé n'ouïthai d'aut' les mousses plieuther pouor eune pouôrre crôtîn d'pain. Ché s'sa dé m'rêvilyi bein heûthe d'un matîn cliai et bé parmi les braves baûtchets d'bruëthe avaû eune chiéthe vallée; ch'est dans l'bliu ciel dé ma jannèche qu'la belle alouette chant'ta, et P'pèe m'espéth'tha à la hèche, ditha: "Jeanneton, té v'là." Mary Symon Vèrsion Jèrriaise dé Geraint Jennings
|
Viyiz étout: