Les Pages Jèrriaises

L'amour du vier temps


For Auld Lang Syne....

Pour l'amour du vièr temps, garçons,
J'm'adresse à touos Jerriais,
Arm'ous dé pliummes ou bein d'crèyons
Et rimèz en patoiès.

Pour l'amour du vièr temps, allons,
Pour l'amour du vièr temps.
Une pliummée d'encre oquo prenons
Pour l'amour du vièr temps.

Pour l'amour des bouans temps d'aut'fais
Dé vot' langage rapp'lous,
N'ayis pas d'honte du vièr patoiès,
En Jerriais rimèz tous.

Pour l'amour du vièr temps, allons,
Pour l'amour du vièr temps.
Une pliummée d'encre oquo prenons
Pour l'amour du vièr temps.

Pour l'amour du vièr temps, garcons
R'souvnous d'not' almanâ
Envièz-nous rimes, vers et chansons
Qué l'monde rie à ha-has.

Pour l'amour du vièr temps, allons,
Pour l'amour du vièr temps.
Une pliummée d'encre oquo prenons
Pour l'amour du vièr temps.

Pour l'amour du vièr temps; si'en cas,
S'ou z'êtes d'esprit rassis,
Ecrivèz nous, j'n'les r'fusons pas,
D'belles sérieuses poésies.

Pour l'amour du vièr temps, allons,
Pour l'amour du vièr temps.
Une pliummée d'encre oquo prenons
Pour l'amour du vièr temps.

Pour lé bouan vièr temps, m'est avis,
Mesdames, que vous ètou
Pouorriez nouos dounner sign' de vie...
N'laissiz pas l's'hommes faithe tout.

Pour l'amour du vièr temps, allons,
Pour l'amour du vièr temps.
Une pliummée d'encre oquo prenons
Pour l'amour du vièr temps.

Pour l'amour du bouan temps jadis
Rapp'lèz toutes vos idées;
Mais dépêchous, jé vouos en prie,
Pas un moment n'perdèz.

Pour l'amour du vièr temps, allons,
Pour l'amour du vièr temps.
Une pliummée d'encre oquo prenons
Pour l'amour du vièr temps.

Pour l'amour d'aut'fais, êcrivèz
Mais qu'dans vos vers n'y'ait rein
Partchi autchuns s'saient offensés;
Dé chonna gardous bein.

Pour l'amour du vièr temps, allons,
Pour l'amour du vièr temps.
Une pliummée d'encre oquo prenons
Pour l'amour du vièr temps.

 

Nouvelle Chronique de Jersey 15/11/1902

 

Viyiz étout:

 

Les Pages Jèrriaises