|
Souos les remparts, ahonmardée et bâsse dans la bliâse et brousse, la Belle dort à s'n aise; les muthâles lus rêvilyent, la Ville s'accliâsse - la belle est endormie, chutte belle Villaise. Les vèrques dé ses seins, êpaûles, hanques et tchiêsses sont mucries atout eune rêv'thie tchi brâle. Coumme tchi la rêmoûtchi, la Belle dorm'rêsse? Coumme tchi la ramonter sus ses muthâles? Les remparts embraich'chont la cheinne tch'y dort; oulle ouvritha pouor ieux san corps dêteurt; i' raidithont acouo, les pièrres du Fort, et lî tith'thont les canons amouotheurs. Geraint Jennings |
Viyiz étout: