Des vannieaux au cidre
- Trais ou quat' vannieaux par pèrsonne
- 220ml dé cidre
- 150ml dé chaud d'paîsson
- trais tchull'lées à soupe dé crème
- 60g dé beurre
- trais châlotes
- la maîntchi d'un limon
- eune tchull'lé à soupe dé chives ou pèrsi (hadgi)
- de sé
- du paîvre
Dêmêlez l'cidre, lé jus d'limon, l'sé et l'paîvre dans eune bolle. Laîssiz piclier les vannieaux dans l'mêlange pouor envithon eune heuthe.
Dans eune sâsse-paine, caûffez l'chaud d'paîsson, les châlotes et la bollée d'picl'ye (sans les vannieaux), et mitonnez pouor dans les dgiêx minnutes. Ajouôtez les vannieaux et laîssiz-les tchuithe pouor raîque quat' minnutes. Auve eune drèch'rêsse, halez les vanieaux et gardez-les cauds. Réduithez l'litchide pouor l'êpaissi. Halez la sâsse-paine d'sus l'grais et ajouôtez la crème en rêmouant. D'battez des pétons d'beurre dans l'litchide jusqu'à ch'qu'i' sait bein êpais. Ajouôtez les chives ou l'pèrsi et rêmouez.
Èrcauffez la sauce. Pliaichiz les vannieaux sus d's assiettes et vèrsez un mio d'sauce sus les vannieaux à vot' goût.
Viyiz étout: