|
Pourtchi ches pliaintes, pourtchi ches plieurs, Pourtchi ches gênes, pourtchi ches sueurs, Pourtchi crier tréjous malheur. Pourtchi? Car j'sis à pliaindre! Faut-i' vos l'dithe? L'avous d'viné? J'n'ai pon dé femme - Ch'est la l'sécret! J'en voudrais ieune - j'vos l'dit tout drait - Est-che drôle qué j'sis à pliaindre? Quand j'pâle ès filles, i' s'mettent à rithe Et j'pèrds la tête, j'n'ai rein à dithe. "Écris eune lettre" j'n'veurs pon écrithe! Valet qué j'sis à pliaindre! Trouvez m'en ieunne, j'vos en supplie - Jane ou Mary, Anne ou Julie, Et j'mé craithais, l'reste dé ma vie, Qué jé n'sis pas à pliaindre. |
Viyiz étout: