Les Pages Jèrriaises

I' n'faut pon s'pliaindre

Nou vait les bieaux carrefours d'un hèrnais renvèrtchi,
et quand tout va d'travèrs et qu'tout est hors dé lague,
tout coumme, pouor sé dêm'ner et bein s'en dêpliaûtchi,
i' faut un co d'êpaûle - s'nou-s'est en avalrague.

L'anmîn veindra aîdgi quand tu t'adonne au d'sans;
et si tu t'trouve souos l'fou, eune anmie t'souôlèv'tha;
et s'tu vai dêpenser tén av'nîn et tes plians...
nou s'dithait ah! mais! tchi bieau boulais qu'en ava.

Mais d'main, ch'est un aut' jour, eune aut' pêque dé baînis;
un neu solé veindra êcliaithi chu pité.
Tout ch'tchi lit n'est pon d'l'or, mais né v'chîn d'tchi tchi lit,
et coumme lé jour s'èrlève, i' s'lèv'tha, tén espé.

 
Geraint Jennings

 

Viyiz étout:

 

Les Pages Jèrriaises