Fermiers et gens de toutes les classes
Qu'avez besoin de quincaillye;
Siez Le Marquand, à Charing Cross
La ya des choses à bas prix.
Pour bringes de cayas et des pelles,
Pour netti l'établye et le bel,
Il faut allé à Charing Cross;
Là ou y en a en masses.
Chest ach'teu la saison des faux
Et ch'est ben seux qui vos en faut;
Siez Le Marquand allez ben vite,
Ou y'en a des grandes et des p'tites.
Pour les vaques et pour les beux
Y faut des pêssons et des lians;
A Charing Cross ou serais seux
D'en trouvé là en tuos temps.
Siez Le Marquand à Charing Cross
Ya etout des ticles d'capeur
Pour satisfaithe tuos l's'accateurs,
N'oublie pas m'namin quand tu passe.
Pour la peintuthe et l'huile de lin;
Pour peindre vos f'nêtres et vos portes,
Vite à Charing Cross y faut vnin
Car la yen a de toutes sortes.
Des bêques, des frouques et des faucilles
Et des p'tits canifs pour les filles;
Siez Le Marquand faut s'adressi
Pour avé chla à buan marchi.
Pour le fi d'fé galvanizé,
Car y en a de toutes les size,
A Charing Cross i faut allé
Pour chouaisi et en acaté.
Almonas des Chroniques de Jersey 1940
Viyiz étout: