Toutes les Classes comme les autre' années pour les jannes filles et les jannes garçons d'dgiêx-huit ans et en d'sous pour la Coupe "E.J. LUCE."

Pour les "grand'personnes," i'y-à ch't'année une supèrbe Coupe en argent, presentée à la Section Jèrriaise par Moussieu C.W. Binet. La Coupe es'sa app'lée "la Coupe BINET" et comme les autres Coupes de la Section, essa t'nue pour l'année par le Compétiteur tch'obtcheindra l'pus haut nombre d'mèrques dans les Classes pour dames et messieurs.

Pour la "Coupe-es-Enfuntchis," la classes "entre-paraissiale," les conditions ont 'té modifiées un mio. Ch't'année, la Pieche, tchi dév'tha être en un Acte comme l'année passée, pouôrra être d'une duthée d'au grand pus 30 minutes et pouôrra être présentée par 3,4 ou 5 joueurs. La piéche dév'tha être la production d'un paraissien, mais pas nécéssaithement par un Auteur actuellement vivant.

Et pis, enfin, un prix special est offert par le Comité d'la Section pour la piéche en Jèrriais, en vers ou en prose, tchi s'sa considéthée la milleuthe et la pus conv'nable pour èrcitation. Le Comité s'résèrv'tha l'drouét d'publier toutes ou autchunes des piéches tchi s'sont entrées pour chutte compétition.

I'-y-a ieu tchestion entouôrre la reglle gouvèrnant l's'
Entrées pour la Coupe des Enfuntchis et l'Comité notifie
l's'Entrants qu'i'y-a yieu une modification d'la reglle
limitant l's'entrées à yiunne par paraisse. Il a 'té decidé
d'accepter l's'Entrées sans limite en effèt d'nombre.