Le Marquand

D's annonces

Evening Post 1948

Le Marquand

FERMIERS...
Les vaques qui sont couerte avec de bouonnes telles doubliés
lus gardent trejous en milieu condition et donne trejous bein pus d'lait.

TELLES DOUBLIÉES DEPUIS 30/- à 45/-
TARPAULINS DE TOUTES GRANDEURS DE £4 : 15 : 0,
Siez Le Marquands
La Boutique ès Fermiers

Chroniques de Jersey Janvyi 1948

FERMIERS.
Utilizès une WILMOT SELF-LIFT CHARRUE avec votre FORDSON ou
"International" Tracteur. La charrue la plus pratique sus le marché.
La seule charrue "self-lift" qui tourne la dernier raie à faithe.
Aussi Griffons à cheval ou a tracteur, Herses, Charrues à planter,
Semeuses à engrais, Coupe-racines et Couvertuthes à vaches et à cheval

CHEZ
LE MARQUANDS,
La Boutique ès Fermiers

Chroniques de Jersey Mar 1949

Fèrmièrs

Si ou êtes en faisant un bétché de nouviaux Jiaitre auprès les
patates, et qu'ou z'avez idée d'mettre les bettes sus une
pastuthe superbe, qui les f'tha vos donnee du lait à la bouctée,
et qui vos donn'ra une raide bouonne coppe de fain l'année tchi
vaint, j'avons justement che qui vos faut.

D'la Graine d'Herbe de superbe qualité, ès prix les pus
raisonnabl'yes, de 21/- à 35/- la vraigie.

Si ou n'avez pas l'temps de v'nin par la boutique, faites-
nous le saver. Tél. 235, et j'vos l'apportéthont avec pliaisi.

Le Marquands
La boutique ès fèrmièrs 5, Beresford Street.

Chroniques de Jersey 1946

Fermièrs!

Auprès les patates ou pensaient tous à ens'menchi que j'sait un
bétché d'nouviaux jiaitre ou un bétché d'raves, sweedishes, navets,
rape, maize, ou kale, pour les bestiaux pus tard ou dans l'hiver, ou
p't'être d'la moutarde ou communs navets pour enfoui' et servi d'graisse.

Sus toute chose insistez sus la millieu graine, la
graine q'ou savez tous bein, q'ou pouvez vos fier
d'sus et qu'est au prix l'pus raisonnabl'ye.

Pour les tomates, etc., j'avons corde, raffia, tarpaulins, wet et
dry sprayeurs, dry spray, 16% et 20%, Perenox, Verde Neutre, blue pierre,
caustic, houettes, weeders, cultivateurs à moto, spraeurs à ch'va et en
effet, tout cheu qui y'a moyen d'avair pour les Fermièrs.

Siez
Le Marquand's

Phone 235

J'delivrons
avec
pliaisi

La Boutique ès Fermièrs
5, Beresford Street.

Fèrmièrs

Si ou êtes en faisant un bétché de nouviau
d'jiaitre après l's'êtots ou patates tardives

Insistez sus notr' graine d'herbe, r'connue de toutes
les carres de l'Ile pour la pus forte coppe de fain et la milleu
pastuthe, au prix l'pus raisonnabl'ye de 20/- à 30/- la vraigie.

Pour les tomates, j'avons:-
Bueue pierre, caustic, bordeau, verde neutre,
et tout autre spray.
Et sprayeurs de .... £6 - 5 - 0

Le Marquands

La boutique ès fèrmièrs
5, Beresford Street.
Phone 235.

Chroniques de Jersey 1948

Fermièrs

Les fermièrs de l'Ile entiéthe savent bein que
la graine d'herbe qui lus fournitha la millieu pastuthe
et la pus forte coppe de faim en touos temps, au prix l'pus
raisonnablye de 20/- à 30/- la vraigie, et la millieu graine
de raves ettou veinnent de siez -

Le Marquands,
La boutique ès fermièrs,
5, Beresford Street.

Téléphonez 235 et j'vos l'apportethont avec pliaisi.

Chroniques de Jersey 1948

Fermièrs

Si vos faut d'la graine d'herbe pour ensemenchi aupres
l'sêtots, insistez sus not' graine de toute premiethe qualité,
d'la sorte la pus populaithe en Jerri pour des generations - la
graine qui donni les meilleurs résultats en fain et pastuthe pour
1946, et qui vos donn'ra les meilleur resultats en 1947 si ensmen-
chie acheteu.

J'avons en stock: Tarpaulins, couvertuthes à chvaux (et
pus tard a vacque) chaînes, cordes, sprayeurs, weeders, griffons
à ch'va, spray a l'iau et a sec, ouettes, frouques, etc., etc.

Chez Le Marquands
La boutique ès fermièrs.
Cent. 235 5, Beresford Street.

Chroniques de Jersey 1946

Deux Fermièrs
Flip. - Eh bein, Frainque, ne v'la du bé chutte fais donc. J'sis v'nu vaie. Pouorrez-tu m'prêter ta van une heuthe?
Frainque. - Oh, j'ai grand r'gret, Flip, mais oulle est pathée. Les springs sont touônées chent d'sus d'sous.
Flip. - Hein? Mais comment, ch'tait une bouonne forte van pourtant. Tch'est que tu y'as fait donc?
Frainque. - Ch'tait quand j'tions a rentrer l'fain, y'en avait une telle couoche que j'tions oblygis d'chairgi fortement pour v'nin a l'entrer tout, et j'forchimes les springs.
Flip. - Vaithe, j'sait bein q'y'en avait une terribye coppe, mais oueque t'avais yeu la graine donc. Ch'tait d'tchi speciale d'angyette qui avait couotté un prix fo, absolument?
Frainque. - Nouffait, pas du tout. Ch'tait d'la même graine comme trais quarts de Fermièrs de l'Ile ont s'mer d'pis l'Otchupation - d'la graine testée DES MERQUANDS, a la boutique des Fermièrs, de Beresford Street. Ch'est la les gas pour te fourni la milleu graine aux prix l'pus raisonnabye.
Flip. - Et bein, faut que j'lus phone de m'en envier pour en faithe un bétché, dans l'grain.
Frainque. - Vaithe, mais bouoge-tai ou tu s'ras trop tard, et sus toutes chose ordonne une bouonne forte van pour tchithier ton fain l'année tchi vain.

Le Marquands,
La piéche ès fermièrs.
5, Beresford Street. Phone 235.

Conversation d'Fermiers

Ph'lip - Y pathais q'les prospets pour les patates sont bouons pour l'année t'chi vain, hein?

Frainque - Vaithe, a cheu que j'ouiyais l'autre jour, t'en vas-tu en faithe pus grand?

Ph'lip - Ah, ma fait oui. J'voudrais en mâté trais mille casses si j'peut. Et tai, t'en vas-tu augmenter?

Frainque - Eh bein, j'enn' crait pas. J'nait pas assez d'terre, si j'veurs faithe un mio d'fouorrage.

Ph'lip - Tu t'en vas faithe accouo du fouorrage. Bah, les patates paie mus.

Frainque - Eh bein, sait-tu bein Ph'lip, que j'l'ait bein considethé, et j'enn' peut pas l'vaie. Quand y faut c'menchi a accater dans l'hiver, c'hais un affaithe de brûler tout cheu q'nou a fait dans l'êtè, pour r'emplyi la pouchette ès marchands. et pis c'hais vraiement not' d'vair d'en craître un mio tous.

Ph'lip - Maffait t'as bein raison, Frainque. J'crait q'j'men vais faithe un bétché d'grain et d'avaine attou vaie. Et y'ou tu'as ta s'menche?

Frainque - J'lai ordonnée d'siez "LES MERQUANDS," d'la boutique ès Fermièrs, Beresford Street. Ils ont d'la s'menche superbe de froment et d'avaine au prix raisonnabye de 35/- cwt. Et pis tu peux rempyi une forme la pour le froment et y'n' a rein d'autre à faithe pour l'aver.

Ph'lip - Et bein faut que j'ialle ordonné du froment pour trais vraigies et d'l'avaine pour quatre, en cherchant deux's-trais ognons d'jettes, d'tulipes et d'hyacinths pour la bouonne'femme. Ou les méthite bein, pouorre garce.

Frainque - Oh bein, quand tu s'ras la amène mai sept pattes pour mon griffon; ils gardent toute machinnie, yeux.

Siez Le Marquands' Phone 235.
La piéche ès fermièrs.

5, Beresford Street.
Livraison gratuite avec pliaisi.

Chroniques de Jersey 1947