La grosse

Et d'yoù qu'ou dênichiz, don, ma pouorre vaisine? Tch'est qu'ou-z'avez à faithe la peignolle? Ou-z'êtes maigre coumme une hache. V'n'ous d'être à couer, ou êche que la peux d'la chaudiéthe vos empêche d'engraissi?

La maigre

Pas du tout, Missis Orpington, mais j'sis êtcheuthèe, je n'mange pus!

La grosse

Eh bein! Faudra vos ouvrir les dents au couté!

La maigre

N'pâlez pas d'couté ; ch'la m'fait penser à man pouor' tchérpent......

La grosse

Ch'est vrai qu'il y r'sembl'ye, à un couté. (Se rengorgeant) Ergardez l'mein coumme il est bein cou'ert de chai'!

La maigre

Et, entre nous, ma chiéthe, je n'ponds pus. Notr' maître nos laisse egdachi notr' pouorre vie et n'nos donnne jamais rein qui nos conveint. Et quand j'vos vai' tous si bein nouorris, vous, par ilo! Ah! Que j'voudrais être dans votr' hogard!

La grosse

Dame! Ch'est que notr' maître, à nous, est malin. I' sait bein que ch'est l'ventre qui souôtcheint l'dos! - Ses vaques, ses gh'vaux, ses animaux (respé) le tchan et nous, i' nos nouorris tous avec le miyeu de d'siez

Les MÈRQUAND, du Bel Royal.

- Lus van veint sièz nous toutes les s'maines... Mais extchusez qu'je m'sauve: J'ai grand hâte à pondre. J'avais yeu de l'OVUM à man dêjeuner.....!