|
Qué j'aime à jouer au bord d'la mé, Quand lé temps est bé en êté; Auve eune pelle et un boutchet Nou bâtis vite un p'tit châté. Des êcales j'vais ramasser Pouor les remporter siez mé; Les couleurs sont vraiment belles S'nou les met dans eune boutelle. Quand j'avons couothu et joué Et pataûgi dans la mé. D'vant qu'la mé c'menche à monter J'abattons not' biau châté! FMH Vèrsion modèrnîsée: Qué j'aime à jouer au bord d'la mé, Quand lé temps est bé en êté; Auve eune pelle et un boutchet Nou bâtit vite un p'tit châté. Des êcales j'vais ramâsser Pouor les remporter siez mé; Les couleurs sont vraiment belles S'nou les met dans eune boutelle. Quand j'avons couothu et joué Et pataûgi dans la mé, D'vant qu'la mé c'menche à monter J'abattons not' bieau châté! |
Viyiz étout: