Arc du matin, met té en qu'min,
Arc du sé, buoun'houmme reste siez-té.
Béin souvent l'malheur n'est rein.
Tchi pathais grand, quand il est lien.
Ch'nest pas la belle cage qui nouaurit l'ouaiezé.
Ergardais d'près, sus l'sien qui n'rit jamais,
Et pis mêfious du sien qui rit tréjours.
Jersiais au Guernesiais :
Qui de rein ne s'brouoille
De rein ne s'truoille,
Les femmes et les pies
Ont biaucoup d'vis.
Les hoummes au cabathet
Ont hardi d'caquet.
Vendredi arlévée
Dimanche telle journée.
Si l'Dimanche degoutte
La s'maine s'en sent toute.
Que nos vaisins aient quatr'dguérets,
Ou mêm' qu'i cri'nt " Hi-hans!"
J'voudrais savé t'chès qu'i-l'en est
Pourvé qu'i saient d'brav's gens.
Jamais mauvais ouvrii ne trouvit bouon ôti.
Quant i plleut des vents d' amont
Ch'est miraclle' que tout ne fond.
Je sis coume Jean Le Bas,
Je ne m'en mêle pas.
Il est matina, le sien qui n'quoche pas.
Quant Niermont met son bounet, chest signe de plyie.
Avri doux, quand i s'y met chest l'pièthe de tous.
Y faut serchi dans ses gardins
Devant les siens à ses vaisins.
Y yia souvent du disturbé
Entre l'bé et l'morcé,
La main m'pique, j'erchevrons des sous.
Tu est man couausin quand tu as des poummes
Et oquo pus quand tu m'les dounne.
Apportais de siez vous siez mais,
Mais n'emportais pas d'siez nous siez vous.
Chien qui n' est pas perdu, s'ertrouve.
De grandes promesses, mais de p'tit accomplissements,
I'n'faut pas faithe d'une môque un éléphant
Lé Jerriais couor quand i veux donné assistanc',
Lé Guernésiais lèv' tous ses dguérets quand i danc',
L'Aur'gniais accatte ordinair'ment quand i dêpens',
Lé Serquais bé un verr quand i-l-en a la chanc,
L' Hermais est hardi court dé bé quand nou l' offens',
Et lé Jétouais s'en souvain, bain quant i-l-y pens'!!!
Il est sus son compte comme les cas d'Maitre Jean Gaurey.
Il est d'l'age d'la jument d'Jean Cliement qu'était trop vieille d'un an
Il est comme la castrole de Jimmy L'Gallais qui sert à tout.
Il est embarassai comme Tom Herault, qui fut Dénonciateur deux jours et eune niét.
Il est vi comme la rue d's' alleurs.
Hem, hem; pot à crême
Pot d'pichi n'est pas profit
Sus la tête à l'offici.
Les bouans comptes font les bouans amins.
Il y a du drap au marchi pour tous.
Il est haut coume un pot d' cidre.
Viyiz étout: