Les Pages Jèrriaises

Acouo des ditons Jèrriais

 

À rithe et à badinner nou n'sé câsse pon les dents

À tout seigneu, tout honneu

L'amour est pus fort qué dgiêx boeufs

Apportez d'siez vous, siez nous; mais n'emportez pon d'siez nous, siez vous

Bein des bêtes mangent du fain, et acouo pus mangent du pain

Bein heûtheux tch'a femme et tchi n'affame pon

Châtchun à san goût

Châtchun counnait sans siez sé et l'bouan Dgieu siez tous

Châtchun fait à sa faichon

Châtchun s'pliaît - coumme disait l'chein tch'embraichait l'tchu d'sa vaque

Chein qu'nou peut faithe aniet, i' n'faut pas l'èrmettre à d'main

Ch'est eune bouonne pièrre à vouos tchaie sus l'pid

Ch'est tréjous par les femmes qué l'brit veint

Ch'n'est pon par les cornes qué nou trait eune vaque

Ciel gavelé et fil'ye fardée sont deux bieautés bein vite pâssées

Coléthe dé c'naille n'duthe pon

Coumme nou fait san liet nou s'couoche

Dé niet touos les cats sont gris

I' faut êt' hueûlîn d'avant êt' crabe

Janmais glinne né mouothit fanminne

D'vant trouver à r'dithe
Faudrait saver faithe;
Et si nou n'sait pon,
Faudrait s'taithe

Ès grands maux les grands r'mièdes

Faut donner l'drouait au dgiâbl'ye quand i' lî veint

Femme barbue et houmme sans barbe, tén'ous sus vouos gardes

Femme dé bouanne maîson a la c'mînse pus longue qué l'côtillon

Hantes la fil'ye dé tan vaîsîn; s'tu n'la vé l'see, tu la vèrras l'matîn

I' faut mither d'vant tither

I' n'faut pon chouaîsi fil'ye par sa robe dé souaie

I' n'faut pon mett' les cats marchands d'graisse

I' n'y'a coumme sé sa c'mînse à laver

I' n'y' a pon d'belles amours sans dêtours

I' n'y'a pon d'feu sans feunmée

I' n'y'a pon pus ordgilleux qu'un riche tch'a 'té dgeux

I' tchéthyie bein drait tchi janmais n'forvyie

Jamais bouanne femme né r'gardit gare

Janmais bouôn co n'fut gras

Janmais est un long mais

Janmais mouton n'pathut né à sa méthe

La c'mînse est la préchaine du dos

La coue du cat est bein v'nue sans haler d'ssus

Lé dgiâbl'ye et les gens sont couôsîns gèrmains

Lé monde est coumme un poulaillyi - les pus hauts jutchis tchient sus l's autres

Les cheins tchi liquent la broche mang'geaient bein l'rôt

Les corbîns et les pigeons n'juquent pon ensembl'ye

Les grands diseurs sont dé p'tits faîtheurs

Les mathiages et l's entèrrements, dans les maîsons font des changements

L'houmme propose mais Dgieu dispose

L'marchi n'en vaut pas la chandelle

Madanme la raison est eune belle danme

Mains fraides, caudes amours

Maîntchi vaut mus qu'rein

Noblièche oblyige

Nou n'apprend pon à un vièr marmoûset à faithe des grîngnes

Nou n'engraisse pon les couochons dg'ieau finne

Nou n'pâle pon d'un r'nard sans en vaie la coue

Nou peut m'ner eune bête à l'abréveux mais nou n'peut la faithe baithe

Nou vait les bieaux carrefours quand l'tchithiot est vèrsé

Noué est long à v'nîn, mais il est bein vite pâssé

Nul n'est prophète siez li

Pot d'pichi n'est pon profit, sus la tête d'un offici

Pouôrre cat, pouôrre lait

Pouortchi vouler râser l'dgiâbl'ye s'i'n'a pon d'barbe?

P'tit fardé longue vaie couôte

Pus nou-s'êtiboque la saltai, pus ou pue

Quand l'cat dort, les souothis jouent

Quand nou n'a pon chein qu'nou-s-aime, i' faut aimer chein qu'nou-s-a

Quand un tchian est mort tous crient d'ssus

Tchi m'aime aime man tchian

Quand les cats ont prîns goût au lard, i' r'gardent tréjous su l'râclyi

Si nou-s'tait janne deux fais, nou-n'séthai fo qu'ieune

Tch'a faim et hâte né saithait mangi honnêtement

Tch'a un anmîn en Cour, san procès est pus court

Tchi p'tit m'donne veurt qué j'vive

Tchian tchi ouasse né mord pas

Tout ch'tchi bril'ye n'est pas or

Tout c'mîn mène à Rome

Trop d'femmes et trop d'maîsons fait un houmme aller à r'tchulons

Trop p'tit n'vaut rein, et l'trop gneit

Un bouan cat vit d'sa chasse

Un p'tit siez-sé vaut mus qu'un grand siez-l's-aut'

Vaut mus aver la conscienche large coumme Broad Street qué d'n'en aver pas du tout

Vielles amours et tîsons brûlés sont des feux bein vite ralleunmés

Lé v'lous et la souaie dêteignent lé feu d'la tchuîsinne

Y'a pus d'eune manniéthe à tuer un couochon sans l'pendre

Y'a pus d'maîsons qu'd'églyises

Y'a souvent du disteurbé entre l'bé et l'morcé

 

Viyiz étout:

 

Les Pages Jèrriaises