Et au r'nouvé,
G'zettes et pip'solles
Jaunissant gardîn et fossé
Dansant à la chanson du vent
Dans la vallée?

Av-ous apèrchu les bliuets
Formant un tapis
Dans la p'tite bouais'ie
Dans not' côtil
Dans la vallée?

En pliein êté, av-ous passé
Av-ous 'rgardé
Les bouais en flieuthe?
Toutes les couleuthes!
Blianc, pourpre, rouoge, orange et jaune.
Nous dithait bein un côtil affliâme
Dans la vallée!

Et pis, au s'tembre,
Av-ous marchi
Et ouï, souos pid,
Lé chant des fielles
Qui tchaient comme des achies
Et couvrent les côtils
Et la vallée?

En hivé,
Quand l'vent souffl'ye sus les monts,
Av-ous passé et ouï lé chant du p'tit canné?
Êcoutez la trantchillité!
Shhh...... tout dort
Dans not' côtil
Dans la vallée.

J.T.