|
Nou vait des g'zettes Dans les valettes; L'hiver a dispathu, Y'a des pipos Le tou des clios, Ch'est le r'Nouvé qu'est v'nu.
A raidde brache
Et pis des g'zettes
Escouant lus tête
L'mouton rumine
Ah! Pipos, G'zettes,
|
|
Nou vait des g'zettes Dans les valettes; L'hivé a dispathu, Y'a des pipots Lé tou des clios, Ch'est l'Èrnouvé tch'est v'nu. À raide brache Amont la cache, Sautant, les p'tits bichots, Ches affrontés, Vont pitchi l'nez Jusqué dans les pipots. Et pis des g'zettes I' font lus jouettes, Saûticotant tout l'tou, I' soûffl'yent d'dans Pour un înstant Et sont r'hors d'un coup! Êcouant lus tête Boutant les bliêtes L'vant les dgéthets en haut Par sus l'fossé, L'travèrs du pré I' s'en vont à grands sauts! L'mouton reunminne Et n'fait pon minne D'apèrchéver lus jeux; Tch'est qu'il en est Si rein n'lî pliaît, Ch'n'est qu'un vièr roupilleux! Ah! Pipots, G'zettes, Côtis et ruettes, Qu'i' fait bé par ichîn. D'ville et d'maîson, Né m'pâlez pon, Avec tout lus hèrtchîn! Elie
|
Viyiz étout: