|
Y'a des lions à la Leune auve des crîngnaches d'argent, tch'y jopîntent à l'entou des rotchièrs et cratéthes. Nou les vait dans ses rêves auve lus grîns et lus dents, et i' trique-pâssent partout chu gris ponsi leunaithe. Mais la balle du Solé est grée d'jaunes êléphants à fliamber en êcanchant des caudes calipettes. Ch'est un radgîn dé millions dé vièrs êgaluants, tch'ont des d'fenses d'or brûlant et des trompes en trompette. Quand les lions à la Leune ouaient l'solé à côner, i' siquenaûdent à lus tou du but des cônes leunées où'est qu'i' châquent lus crîngnaches, en m'nichant d'avrôner les gîngnaûdes d'êléphants dans ch't' espace d'sareunée. Geraint Jennings |
Viyiz étout: