|
J'sis chaûmêtchi d'la soûffliéthie en l'air tch'êlouaîssit man tchoeu l'amour m'èrest êlîndgi du temps pâssé jusqu'achteu à plieuther des lèrmîns cratchis d'chu corps à mé qué tu'avais ieu Tan nom paît où'est qu'il est fitchi sus man lândget langouotheux coumme eune êlîngue èrteurtchie mén esprit l'èrnonche en l'heu dé ma mémouaithe car la béthie et tén amour m'mîntent à décreu J'sis chaûmêtchi d'la soûffliéthie en l'air tch'êlouaîssit man tchoeu l'amour m'èrest êlîndgi du temps pâssé jusqu'achteu à jouer ainchîn pouor nos tritchi l'amour en est un niolinneux Vai-tu qué chu tchoeu tout sangni pouôrrait s'arrêter un jeu si coumme un co d'êlîngue lanchi tu n'èrveins d'aut' à l'èrveue douochement j'sis à d'sêtchilbouêtchi vengi acouo d'ta dueurcheu J'sis chaûmêtchi d'la soûffliéthie en l'air tch'êlouaîssit man tchoeu l'amour m'èrest êlîndgi du temps pâssé jusqu'achteu à t'aimer assez pouor m'tritchi et pouor t'n amour m'fliantchi au feu Té tch'es membre dé chutte racachie tch'es dé ch't amas amouotheux mêfie-té don dé ch't' êlîngu'thie un co pouor té couôtageux touos les cos qué tu m'as vengi toutes ches tortuthes qué j'en ai veu J'sis chaûmêtchi d'la soûffliéthie en l'air tch'êlouaîssit man tchoeu l'amour m'èrest êlîndgi du temps pâssé jusqu'achteu v'là tch'est raîque tout d'la niolinn'nie raîque un long libée malheutheux Ma raîson est à renvèrtchi ou trélûthe à la boule-veue souos les cos dé l'êlîngu'thie mémouaithes qué j'pâsse à l'èrveue et si un jour j'té dis adgi ché s'sait à té qué j'l'éthai deu J'sis chaûmêtchi d'la soûffliéthie en l'air tch'êlouaîssit man tchoeu l'amour m'èrest êlîndgi du temps pâssé jusqu'achteu à plieuther des lèrmîns cratchis d'chu corps à mé qué tu'avais ieu Serge Gainsbourg Vèrsion Jèrriaise dé Geraint Jennings |
Viyiz étout: