|
Des d'vis avolent coumme eune g'lug'gie d'plyie dans eune tâsse en papi, i' lus sîl'yent coumme i' pâssent, i' drissent volant l'travèrs dé l'unnivèrs; des mathes dé ma, louêmes dé jouaie à la drive au chèrvé ouvèrt à y vresser et m'carêsser Djaï Gourou Dê Va Oum Rein né chang'gea canté mé Rein né chang'gea canté mé Rein né chang'gea canté mé Rein né chang'gea canté mé D's êmânues d'êcliaques dé cliai tchi dansent à banon coumme un million dg'ièrs tchi m'hêlent et m'halent dèrché l'travèrs dé l'unnivèrs; D's avis vithevardent coumme un vent envitoué dans eune boête à lettres i' trébuquent aveugl'yes coumme i' gabathent tout l'travèrs dé l'unnivèrs Djaï Gourou Dê Va Oum Rein né chang'gea canté mé Rein né chang'gea canté mé Rein né chang'gea canté mé Rein né chang'gea canté mé D's échos d'rithies, cliôsées d'ombres tchi sonnent partoutes mes veues ouvèrtes à m'êmoûtchi et m'dêhoutchi D'l'amour înmortel sans mèrs tchi lit à l'entou d'mé coumme mille solés tchi m'hêle et m'hale dèrché l'travèrs dé l'unnivèrs Djaï Gourou Dê Va Oum Rein né chang'gea canté mé Rein né chang'gea canté mé Rein né chang'gea canté mé Rein né chang'gea canté mé Djaï Gourou Dê Va Djaï Gourou Dê Va Djaï Gourou Dê Va The Beatles Vèrsion Jèrriaise dé Geraint Jennings |
Viyiz étout: