|
J'ai ergrèt pour té, ammin Élie, Dé ta bordée dé pêque mantchie, Mais jé n'en r'veins pon dé té n'ambiti'on De vouler t'en aller, pardingue, au paisson Ov touôs les grands Messieûx dans lus yacht Coumme si tu'étais unn' Aristocrate! P't'être qué la veue des provisions T'avait fait faire des réflexions Sus l'Socialisme, l'Egalitè, Les droits dé l'Houmme, ou ditèt, Et qué tu voulais ov yieux partagi Bouannes cigârres, bère et mangi! Jé crains qué si l'temps vos avait permins Dé fricotter en vyiage, en bouans ammins, Qu'i t'érait fallu, dévant v'nin au port, Envier occuo du lèst hors bord!
Ta pêque mantchie, tout l'monde y perd,
J.P. |
Viyiz étout: