Les Pages Jèrriaises

A Elie


Un Contraste

 

L'aut'sai - ètait-che pon à Grouville?
Nou jouait (en anglais) eunn' comédie
Deue à unn' plieumme des pus habile,
Et qui fut bein erchue et applaudie -
Les Sages viennent de l'Est qu'nou dit,
Les gens en riaient de bein bouan tchoeur,
Et lé ridjiâu bas et tout fini
Tout l'monde criait "Auteur, Auteur?"

A St.-Ouen, ch'est bein différent:
Nou z'y joue eunn' pièche en bouan Jerriais
Sans aver même fait lé comply'ment
A l'auteur dé v'nin la vais!
Jé comprends bein té n'affliction,
Et tu'as lé droit dé té r'binfrer,
Est-che qui n'savaient pon lus léçon
Et avaient peux dé té l'montrer?

Avec toute ma sympathie,
J.P.
 
1913

 

Viyiz étout:

 

Les Pages Jèrriaises