Au matin dès tchi fait clièt,
Not' vièr co jé ouait chanter;
Quand i' fait clièt d'leune tchique fais
I' nos rêville auve sa grosse vouaix.
Ch'est pépée tch'est en gédon,
Quand l'co disteurbe toute la maiethon;
D'un ambron i' s'lève coumme un fo,
Pour aller lî teurtre lé co.
D'vant li jé m'faufile a bas,
Et j'fouorre lé co souos man bras:
J'nos en allons touos les deux
Ou' est qué pépée n'lé trouv'tha pas.
Quand pépée s'est ercalmé,
Et qu'lé co est pardonné,
J'ervénons pour dêjeuner,
Coumme si rein n's'tait arrivé.
F.M.H.
|
