|
Mes mémouaithes meuthissent coumme des apricots; Les paithes pouôrrissent en graîssant man chèrvé; Les vêpres - et les maîtrêsses - mé m'nichent acouo; Des papillotes volent sus les figues tch'ont tchées. Un russé d'jus a rînchi ma mémouaithe; Les frits êtampés couleuthent lé chînment En vèrduthe. Les êcarlates sont à baithe L'odeu d'un bel d'êcole d'y'a bein longtemps. Les papillotes chuchent les frits êcrâsés Sus un vèrt tapis dé doûdoux douoillis, Enivrées par les figues mié-fèrmentées; Les vêpres bourdonnent dans l'bel, belles et bragies. Ramémouaithant les vêpres sus la vèrduthe, Les paithes en pouôrrissant ont peint lé bel. Tcheûtant des tchêtinnes, êputhées et puthes; Lus odeu m'juse les journées tchi dangèlent.
Geraint Jennings |
Viyiz étout: