|
La vèrduthe vithevarde, corlée et cajelinne; la bliête est couôsue atout des fis d'or; lé ciel d'bliue souaie lit pus bé qu'à l'assinne; les nouages lus êtrueûlent coumme d'la crème tchi bouort; et quand les tchians dorment, jé jouons sus chutte bliête. Les pliés pliaîthants ès fros f'thont eune bordée dé courtouaîsie caude et crémeuse. La fête s'adonne douochement souos les brantchettes corlées, et ou m'èrgarde. Les tchians, ieux, né ouassent pon. Ch'est mé qu'ou dgette, pon san galant en souaie. Rose et rôseleuse, ou m'somme au rêvillon iou qu'jé vithevarde envitoué souos les bouais. Geraint Jennings "Rendez-vous de chasse", Watteau, Collection Wallace, Londres la Saint George 23/4/2011 |
Viyiz étout: