|
La cranne souôrit coumme eune banane sus la muthâle; les dents du j'va sont exhibés où'est qu'nou r'garde gare les gambes et bras êbréhangnis dans la batâle et les stchelettes sont bigbichies en os à vars. Lé c'valyi couort, lé soudard meurt, lé docteu sangne; les plieurs arrouôsent atout du sang l'arbre ès pendus souos tchi les morts ès faux êcliaquent et êbréhangnent les corps ès tombes embédonnées et ambidgues. I' dansent la ronde à bonnetchuler, ches os cratchis; l's êtchinnes crotchues sont en raccro à faithe du fanne et sens d'ssus d'ssous les crannes y craissent en bananyi, et les bananes sont à souôri tout coumme les crannes. Geraint Jennings à la Collection Wellcome, Londres 23/12/12 |
Viyiz étout: