Les Pages Jèrriaises

L'Exhibition Surréaliste

Sus l'téléphône y'a un honmard.
J'ai-t-i' janmais veu d'tchi si bé!
Né v'là eune Vênus à tithettes
Et eune souôtâsse couvèrte dé pé.

Des hôlouoges changies en litchide
Tchi sont à drisser d'dans les bouais.
Un sofa à sé faithe l'amour,
Et eune souôtâsse couvèrte dé pé.

“La tèrre est bliue coumme eune orange”.
Un rossîngno attaque. Ch't ouaîsé
M'niche deux êfants. J'vis chu portrait...
Et eune souôtâsse couvèrte dé pé.

 

Geraint Jennings
23/12/2001

 

Viyiz étout:

 

Les Pages Jèrriaises