|
Quand la fliaûmêque fliagorn'rêsse fliatte la blianche êpîngne, les fis du destîn fliottent l'avant au rond mitheux; les g'veux à feu enhèrmélés font eune rouoge crîngne, eune mathée d'fliambe et d'vrai v'nu monte ès lèvres dé feu. Les tchoeurs sont vraitchis, la rose taillie et l'gliajeu s'entouortil'ye d'auve les ros, les bliancs lis et les vîngnes; lé jus d'goutte avaû l'corps sus l'couté au vraitcheux - lé mitheux cratchi mouontre en avalrague des lîngnes, des r'gards tchi roûssent, des tailes rap'tiéchies et des sîngnes dé d'si en d'so, d'amour, eune leune rousse à méjeu. Nou vait la s'menche tchi juse; nou fait la lippe, des grîngnes... les fliaûmêques lus avolent par les cras du mitheux. Geraint Jennings La Gal'lie Tate, Londres, Dézembre 2012 |
Viyiz étout: