Les Pages Jèrriaises

Lé Centre Pompidou

Les muthâles meuvent d'eune brîngie d'meurdrisseûthes;
lé bliu bruta a aboté nos ièrs
sanglieurs; les têmouains lus teurquent, lus enteuthent,
et lus împlyiquent... Les pliaies r'couôsues d'travèrs
sont pitchies l'avant ès faches d'înnouothants
tchi lus traûlent avaû chu c'mîn à la crouaix;
les victînmes, pourpres et vèrtes, sont êpèrtchies
par les muthâles, enfuntchies à la vaie.
Les clius d'sang racc'modés brûlent dans les feurs
du jaune à girafe dêgouôsillonnée,
du rouoge tchi fait cliungi nos ièrs sanglieurs
du bliu nièrchi tchi bouoillonne dans l'canné.

Geraint Jennings
Paris, lé 26 d'Août 2013
 

Viyiz étout:

 

Les Pages Jèrriaises