Henri Thomas Bosdet 'tait un artiste bein connu dans san temps pouor ses vèrrinnes, et bein apprêcié aujourd'aniet pouor san travas.
I' fut né l'7 d'Janvyi 1856 dans La Pathade, Saint Hélyi. San péthe 'tait un mathinnyi, Thomas, et sa méthe, Sophia Mary, née Le Roy (dé Dgèrnésy). Sa méthe mouothit quand il avait 3 ans et san péthe s'èrmathyit en 1861. La fanmil'ye 'tait à chu temps là à Londres.
À l'âge dé 16 ans en 1872 Henri fut accepté coumme êtudgiant à l'Académie Rouoyale des Arts dé iou qu'i' graduit en 1879.
En 1882 i' 'tait à ensîngni au Collège d'Art à Islington. Dans ch't' année i' fit eune vèrrinne pouor l'églyise dé Sainte Mathie du Câté en Dgèrnésy.
En 1883 i' fut appouainté Tchuthateu du dessîn académique (ch'est en tchi l'dessîn du corps humain) à l'Académie Rouoyale. San travas 'tait d'ensîngni l'progranme décidé par l's autorités d'l'êcole. Mais i' travaillait dans d'aut' collèges étout, tout en faîthant des commissions privées.
Henri avait rencontré un aut' artiste Jèrriais, John Everett Millais, duthant ses êtudes à l'Académie et i' travaillait auve Millais quandi qu'il y'ensîgnait. Millais avait 'té iun des fondateurs des Pré-Raphaëlites et Bosdet avait 'té hardi înfluencé par chu style. Henri 'tait iun des fondateurs d'la Sociêté Jèrriaise à Londres, et y fit un discours entouor Millais.
En 1920 i' r'sîngnit d'l'Académie Rouoyale et r'muit en Jèrri et d'meuthait à Saint Louothains jusqu'en 1927 quand la fanmil'ye èrmuit en France. La fanmil'ye èrvînt en Jèrri en 1931. Lé fis à Henri, Harry, fut êdutchi pendant deux ans au Collège Victoria.
Henri mouothit en 1934, l'23 d'Mai, à Saint Louothains. Sa veuve baillit eune collection d'dessîns faits par s'n houmme à La Sociêté Jèrriaise. Nou peut vaie tchiqu's'eunes dé ses vèrrinnes dans d's églyises en Jèrri.
 |
 |
 |
 |
 |
L'Églyise Pârouaîssiale dé St. Brélade |
L'Églyise Pârouaîssiale dé St. Brélade |
L'Églyise Pârouaîssiale dé St. Brélade |
L'Églyise Pârouaîssiale dé St. Brélade |
L'Églyise Pârouaîssiale dé St. Louothains |
 |
 |
 |
 |
 |
L'Églyise Pârouaîssiale dé St. Louothains |
L'Églyise Pârouaîssiale dé St. Louothains |
L'Églyise Pârouaîssiale dé St. Jean |
L'Églyise Pârouaîssiale dé St. Jean |
L'Églyise Pârouaîssiale dé St. Hélyi |
 |
 |
 |
 |
 |
L'Églyise Pârouaîssiale dé St. Jean |
L'Églyise Pârouaîssiale dé Sainte Mathie |
La Chapelle ès Pêtcheurs |
L'Églyise Pârouaîssiale dé Saint Brélade |
L'Églyise Pârouaîssiale dé St. Martîn |
 |
 |
 |
 |
 |
L'Églyise Pârouaîssiale dé Saint Brélade |
L'Églyise Pârouaîssiale dé Saint Brélade |
L'Églyise Pârouaîssiale dé Saint Brélade |
L'Églyise Pârouaîssiale dé Saint Brélade |
L'Églyise Pârouaîssiale dé St. Martîn |
 |
 |
 |
 |
 |
La Chapelle ès Pêtcheurs |
L'Églyise dé Gouôrray |
L'Églyise Pârouaîssiale dé St. Jean |
L'Églyise Pârouaîssiale dé St. Jean |
L'Églyise Pârouaîssiale dé St. Brélade |
 |
||||
L'Églyise Pârouaîssiale dé St. Jean |
Viyiz étout: