Né v'chîn eune bein vielle èrchette qué j'avons ieu pouor bein d's années, sus un papi en chitchette daté dé 1850, pouor comme tchi faithe du vîn brûlé:
Dans eune boutillie dg' ieau-d'vie, m'ttez lé quart d'eune onche dé cliouque dé cannelle, eune pétite muscade d'eune démié onche, eune démié onche dé toute-epice et la p'liche dé deux limons copée en p'tits morcieaux. Bouchiz la boutillie, et pis pouor chînq ou siex jours sautez-la dans vouos mains, dé temps en temps, la gardant dans eune pliaiche caûde. Prannez-en deux tchul'lées à soupe pouor êpici eune boutillie d'vîn d'Porto, en ajouôtant eune tâssée dg'ieau caûde et un quart'ron d'chucre. Et, né v'là nouot' vîn brûlé.
FLM
Viyiz étout: