Du Noyau
L's îngrédgiens :
- un quart'ron d'fielles dé pêchyi
- eune d'mié-pinte dg'ieau bouoillante
- un pot d'blanche ieau-d'vie
- trais livres d'blianc chucre (en pain)
L'èrchette :
Faut tchilyi les fielles dé pêchyi contre la fîn d'Septembre ou au c'menchement d'Octobre - pas trop fraîches mais justément d'vant tch'i' n'c'menchent à jaûni.
Nou vèrse l'ieau bouoillante dessus, pis nou couvre l'pot atout eune assiette.
Auprès vingt-quatre heuthes nou pâsse lé litchide dans eune mousselinne. Nou fait un sitho atout les trais livres d'chucre et deux d'gouts dg'ieau et nou mêle chenna auve lé litchide des fielles et ieau-d'vie. Nou peut y'ajouôter deux ou trais d'gouts d'essence d'almande ou, comme lé temps pâssé, tchiques nouais d'rotchettes dé pêche.
Au lyi d'fielles dé pêchyi les uns font sèrvi des fielles d'apricotchi.
Viyiz étout: