|
Jé m'suthons à la marche lé progrès des pronm'neurs; lé pavé en est pliein, les piêtons r'veinnent en Ville. Nou marche coumme sus du v'lous, nou n'y fait pon dé teurs; ch'n'est pon la Dgèrre dé Trouaie, n'y'a pon d'talon d'Achil'ye. Vilyiz sus les vaituthes - des cârrosses sans j'vaux d'Trouaie tchi vilannent nos p'tits c'mîns, veinnent assiégi la Ville. I' heunment dé la pétrole. Courounnons-les d'ambrais, dé pipots, d'houbillon, et d'lûzèrne en faûcil'ye! Laîssiz craître à l'entou, des gardîns et des pars! Nou n'parqu'thont d'aut' par là; y'étha du vèrt en Ville. Les violettes dé mielle mêl'lont à toutes les carres d'auve des motos en d'lacres et vaituthes en pédgil'yes. Véthe, j'pédal'lons en paix l'travèrs d'nos vaîthinnés. Les p'tites cliochettes des bikes et les cliochièrs d'la Ville sonn'nont à la victouaithe; nou-s'en est pédgumé. Les motos n'cliog'geont d'aut' nos ruettes tchi lus rêvil'yent. Geraint Jennings 22 d'Septembre 2010 |
Viyiz étout: