|
Bon! te v'là étout ichin, ma vieille Betsey, Sans doute que tu-éaies v'nue ichein pour cherchit Toutes sortes de choses, pour ta fille Nancy, Qui s'en va au pus tôt san nom changi. Combein qui yian a yieu t'channeaie, De chest belles petites filles qu'ont étet mathiées; Y faout espéthai qu'ils ont yieu bouanne chance, Et les garçons étout, car chest à la chance. Comme un fermi jerriais dîzet eunne fais, Quand n'o s'mathie, Hélas! tchi frais. Les femmes sont comme les pommes de terre - chest à la chance. Tchique fais y qu'menche bein, et pis toute suite y changent. Mais pour ervenais à la vendue d'lauotre jour, Yien avait t'y du monde, jusque dos Tours; Yien avait plusieurs qu'allais là pour s'entre vais, J'en vit que j'navais pas veu pour longtemps qui m'erconnaîssais. Yiavet un nice moussieu qu'est prouvet à mangit Des châtaignes, mais y n'pouvet pas les cratchit, Car y n'avet pas de dents, chest pourtchit, Y mangeait des chucreins - y pouvet les chuchit. Yiavet la vaiezeine Bil, qui n'manque jamais son lot, Ou'l est si nice, chnais pas yieune qui n'dit mot; Et pis ou'l est tréjous de si bouanne humeur, Mais chute pouore garse ou'l est tréjous en sueur. Où fait pâstet et des bouans bourdelots, Qui fonde dans la bouoche, et chest qui sont gros, Pour dithe vrai, ou'l à tréjous tet pour donné. Alleais là vais, où vos donna du matin au sçé. A chute vendue là, je vîmes des couozeines et couoziens, Qui nos einvitirent à lunchtchi avec yieun d'lus vaiezeins; Y nos rigalirent avec tout chein qui yiavet d'bon, Il est vrai que chu couozein là est un bein bouan garçon. Et sa femme est si charmante, je craît que j'ys rîsthons. J'lus souhaite à tous un bouan Noué et eunne bouanne anneaie. Georgie |
Viyiz étout: