|
J'alli dans le mais de Septembre vais eune grand Bézaar, Pour mé, chonna est eune chose tout à fait rare. J'aime bain les concerts de Chapelle ou d'Egyise, Mais pour les Bézaars ch'est pas la ma devise. Mais comme chu jour là je n'taîts pas en travaillant, J'alli llarlevais justement en me proum'nant. A la Héche n'ou payait douze sous pour un titchet, Et pis n'ou pouvait allé ouêque n'ou voulait. La premièthe chose que n'ou viyait tchet l'vivi. N'ou n'devait pas se nié d'dans quand n'ou pouvait nagi, Et pis t'chet pas d'dangi, car avec li tout est bain. Et pis n'ou v'nait a la tente de toute sorte de rafraîchissements. N'ou yiantrait pour mangi et baithe sans autchun compliement. Tchet Jane et Mary qu'en avais tout le soin. La qui veux dithe qui n'y mantchait absolument de rein. Il' avais un fiotchet de jeune Hardelles a lus aidgi; Seulement à les r'gardé vos ouvrait l'appétit. Et pis la prechainne tente t'chet des Habilm'ents; Yian avait pour les p'tits, yian avait pour les grands. Yiavait eune dame Française quacati un d'vanté pour yi, Mais quand ou l'eut lavait, il avait tellement raptichi, Que ou n'peut en faithe qu'eune bav'thette pour son p'tit, Et de même la pouore femme n'eut pas grand profit. Yiavait eune "stall" de toute sorte d'ornements. Tchet la que toute les Dames, Messieu s et Esfants Ne pouvais pas passé sans être tentais d'acaté, Car t'chet tout du bon, du "fancy" et pis au bé. Yiavait des choses bein utile et de fantaisie, Yiavait pour satisfaithe les grands et piêzi est p'tits. Yiavait étout des p'tites Hardelles qui vendais des feulles, I ls en vendais raide, car y 'tès de bouanne hueur. Yiavait étout Marthe et Marie qui vendais cigares et cigarettes; Y dounez la cigare pour rein, mais tchet qu at' sous pour l'allumette. Yiavait étout de la belle Musique d'la "Band" de l'Union. Qui jouoet souvent les clioches de Corneville; t'chet coumme un cariyon. Yiavait étout eune palmiste qui yiésait les mains. Les jeunes filles et les veuves yiallais toute boan trains. Les jeunes filles voulais savé s'il éthais un gallant. Les veuves voulais savé si sè s veuves bein longtemps. Yiavait eune p'tite veuve qui n'tait pas contente a yi Quand ou l'is dit que jamais ou n'éthait un second mari. Yiavait étout un concert dans la séthai s, Que n'ou payait que siès sous quand n'ou yétait entrais; Mais y vint eune bouone achie d'pis quand vint le sé, Mais tchet tout pour le mus, y n'faut pas murmuthé, Car tout l'monde lus min dre dans les tentes à l'abri, Et pis t'chet tous qui voulais baithe et mangi, Car chouna augmenti le nombre de ch'lins, Car tant pus d'pommes tant pus d'pépins. Y fidre la belle somme de Chent Louis et des ch'lins. Bravo les Anmins de Maufant. Livonia N.B. - Y faisait tant d'pies que les souliers vindre trop grand. Yian eut pus d'yieunne qui les perdi en r'venant. |
Viyiz étout: