|
Les clios volent en pâssant; Lé train drisse en avanche. J'm'en vais à Paris par La tonnelle souos la Manche. Ch'est-i' tchuthieux d'pâsser D'eune matinnée, tch'est blianche Et fraide, à la nièrcheu D'la tonnelle souos la Manche! Lé train est confortabl'ye Et quédaine coumme i' s'lanche Dé l'Angliétèrre en France - La tonnelle souos la Manche! Ch'est la technologie Et lé travas d'la scienche Tch'ont dêfoui ch't'ênorme creux, Chutte tonnelle souos la Manche. J'avons-t-i' veu d'ité? Coumme tchi qu'la touônnée c'menche! Viagi sans vaie la mé - La tonnelle souos la Manche.
Geraint Jennings |
Viyiz étout: