Les Pages Jèrriaises

Ès miyeurs jours


Those were the days

 

J'pâssêmes les heuthes en rêvant et en riant,
En distchutant coumme tchi amender tout.
Dans ch't aubèrge-là, j'nos entr'-pâlêmes en criyant
Qué j'èrféthêmes lé monde en b'vant deux d'gouts.

Ès miyeurs jours, m's anmîns,
J'n'en viyêmes pon la fîn;
J'éthêmes dansé et chanté à janmais;
J'éthêmes chouaîsi not' vie,
J'éthêmes tréjous gângni;
Dans nos jannes jours, j'éthêmes veu la bouonne vouaie.
La, la, la, la, la, la, la...............
Ès miyeurs jours, m's anmîns, ès miyeurs jours.


Épis les années pâssîtent coumme eune journée;
J'èrnonchînmes nos rêves et nos fantaisies;
Et si dans ch't aubèrge-là, j'nos 'têmes rencontrés,
J'éthêmes souôri, m's anmîns, et j'éthêmes dit:

Ès miyeurs jours, m's anmîns,
J'n'en viyêmes pon la fîn;
J'éthêmes dansé et chanté à janmais;
J'éthêmes chouaîsi not' vie,
J'éthêmes tréjous gângni;
Dans nos jannes jours, j'éthêmes veu la bouonne vouaie.
La, la, la, la, la, la, la...............
Ès miyeurs jours, m's anmîns, ès miyeurs jours.

Dévant l'aubèrge, jé m'vis coumme dans un mitheux -
Un èrvénant èrfliéchi dans la f'nêt';
Car à ces sé jé m'trouvis, à man tout seu,
Et rein né sembliait coumme i' soulait êt'.

Ès miyeurs jours, m's anmîns,
J'n'en viyêmes pon la fîn;
J'éthêmes dansé et chanté à janmais;
J'éthêmes chouaîsi not' vie,
J'éthêmes tréjous gângni;
Dans nos jannes jours, j'éthêmes veu la bouonne vouaie.
La, la, la, la, la, la, la...............
Ès miyeurs jours, m's anmîns, ès miyeurs jours.

Et dédans l'aubèrge, vos v'là acouo riant,
Et né v'là vos chiéthes vouaix qué j'pouvais ouï.
J'avons vieilli, mais j'sommes acouo jannes viyant
Qué dans nos tchoeurs nos rêves n'ont pon changi:

Ès miyeurs jours, m's anmîns,
J'n'en viyêmes pon la fîn;
J'éthêmes dansé et chanté à janmais;
J'éthêmes chouaîsi not' vie,
J'éthêmes tréjous gângni;
Dans nos jannes jours, j'éthêmes veu la bouonne vouaie.
La, la, la, la, la, la, la...............
Ès miyeurs jours, m's anmîns, ès miyeurs jours.

 

Les Pages Jèrriaises