Les habitants de la pâraisse du bon berger ont raison de lus féliciter du grand succès de lus jeunes garçons dans la compétition pour les tchulliers offertes par les Etats pour les siex milieurs recrues de la Milice de Jerri.
Pensez don que sus siex tchulliers pour toute l'ile i'y en a ieu actuellement treis de gagnies par des St.-Pierrais ch'est-à-dithe G. Egré, A. Hurel et N. Smythe.
Et pis ch'n'est pas tout.
Jeudi l'arlévée i'y eut des Sports, ouverts à tout l'Bataillon, à l'Arsenal de St.-Pierre, et ch'tait oquo les St.-Pierrais qui gagnirent toutes les principales compétitions. L'assaut à la baïonnette fut gagni par une escouade de la pâraisse, et l'deuxième prix dans l'Tug-of-War. Et pis ch'tait l'fils 'Douard Egré qui gâgni la course d'un demi-mille aussi bain comme la sienne d'un mille. Ch'est qu'i' peut couorre, chu mâtin-là! I' dait y'aver ieu des Lièvres dans la famille dans tchique temps.
La "relay Race" fut gagnie par St.-Pierre ettou, et l'prix du Gouverneux pour la section qu'avait ieu le pus d'points.
Ch'est une grande honneur pour la paraisse, et l'Caouain li offre ses pus sincèthes félicitations, sûstout ès jeunes garçons qui lus sont distindgis d'une telle manièthe.
Caouain
30/9/1922
Viyiz étout: