Les Pages Jèrriaises

Las, mé j'l'avais èrfait

Oops I did it again

 

Né v'chîn eune vèrsion Jèrriaise d'eune chanson par la janne chant'rêsse Améthitchaine, Britney Spears, tchi eut un grand succès auve la chanson en 2000. Viyant qué Britney Spears est hardi populaithe auve les fil'yes dans l's êcoles, nou d'mandait si ch'tait pôssibl'ye dé traduithe ieune d'ses chansons en Jèrriais pouor chanter dans les clâsses. Né v'chîn Oops I did it again en Jèrriais coumme la preuve qué ch'n'est pon seul'ment les vielles chansons qu'nou peut faithe sèrvi en ensîngnant l'Jèrriais.

 

 

Oui, oui, oui, oui, oui, oui,
Oui, oui, oui, oui, oui, oui,

Jé crai qué j'l'avais èrfait
Jé l'fis et tu crai
J'sommes pus qu'des anmîns
Oh man chièr
Si jé sembl'ye amouotheuse
Ch'na n'sîngnifie pon qué j'sis séthieuse
Mais s'touônner touos mes sens
Bein ch'est si typiquement mé.
Oh man chièr, man chièr

Las!... Mé, j'l'avais èrfait
Jé jouit auve tan tchoeu
Pèrdue dans lé jeu
Oh man chièr, man chièr,
Las!... Tu'es trop amouotheux
Criyant qué j'sis des cieux.
Jé n'sis pon innouothante.

Tu vai qué né v'chîn pouortchi
Tréjous à rêver
À vaie des héros, ch'est vraînment man d'si
Jé plieuthe toutes les journées.
Né v'là ma folie: n'la peurs-tu pon vaie?
Man chièr oh!

Las!... Mé, j'l'avais èrfait
Jé jouit auve tan tchoeu
Pèrdue dans lé jeu
Oh man chièr, man chièr,
Las!... Tu'es trop amouotheux
Criyant qué j'sis des cieux.
Jé n'sis pon innouothante.

 

Viyiz étout:

 

Les Pages Jèrriaises