|
Par pèrmission dé Jean de Veulle nou présent'ta un vaudéville dans Les Ruettes Lé Cirque Rouoya y f'tha d'tchi neu auve Pablo Fanque, homme dé couleu. Tchi calipettes! Par d'sus hommes et j'vaux, cèrcl'yes et ribans pouor l'adgève-tout un bathi fîn fliambant Comme chennechîn ches anmîns caleng'geont lé monde Par pèrmission dé Messire Jean, Lundi y'a tout pliein d'amûthements à Saint Hélyi Où'est qu'les pônîns jeunmieaux soup'thont attabliés acanté l'bouffon N'faut pon tèrgi! Maît' Pablo asseûthe lé publyi qu'i' n'éthont janmais d'lus vie veu d'ité Comme chenna, Henri lé j'va valsétha! Nou c'mench'cha à sept heuthes et d'mie Auve Pablo tchi s'en va s'teurtchi tréjous à s'taithe et Mess Hughes mouontrétha des triques auve sén êtchelle géométrique né v'là dans l'aithe Ayant prîns des jours dé prépathâtis eune bouonne bordée est asseûthée pouor tous Et sans manque Pablo Fanque en s'sa lé cliou Vèrsion Jèrriaise dé Geraint Jennings
|
Viyiz étout: