Ch'est une erreur, fermièrs, de garder tant de g'niches
Bein p'tit d'profit nou-z'a, ach't'eu, sus vaques ou biches!
Beurre, lait et viande, ne s'vendent pon sans minzèthe
Une douzaine d'oeux, i' m'sembl'ye, f'thaient pustôt votrè affaithe!
Trais sous la pinte pour du lait bein crémeux!
Trais sous du lard! ch'est bein p'tit, chièrs messieux!
F'thaîtes-ous pon mus d'bati des poulaillèrs?
I' n'manque pas d'run - j'avons des clios entchièrs!
Examinèz, j'vos prie, ma suggestion modeste
L'annèe tchi veint j'en r'pâll'lons, et, du reste -
Dans l'entrtemps - bon! les v'là qui protestent!!

Jé n'sais pas tch'est diantre que tu nos prônes,
Avec tes poules au lieu d'nos bêtes à cônes,
Pour Mess Bout-d'Clios, tu vé les vaques à rein
Et mé, j'connais pus d'un Améthitchain,
Riche et d'bouan tcheu, qu'en offre quarante louis!
Restez trantchille! Ou m'en faites mal ès ouïes
Eche que j'ai dit qu'j'les veurs toutes, vos quédolles?
Exchusez-mé; j'pâle de vaques, pas d'bricoles!!

1909